الأمام في الصلاه

ويش اللي اذا اعطاك قفاه حكمك ............. واذا اعطاك وجهه انفصل حكمه

الجربوع

انشدك عن منهو برع بالسياسه = فن السياسة فيه فن احترافـي
انشاء لنفسه فلة فـي مقاسـه = مليص الجدران و الباب خافي

الأرض الخصبة اللي تصلح للزرع واختها الأرض الصبخا اللي كلها ملح ولا تصلح لشيء

بنـشـد الـلـي لـهـم بالـولـع طـرقـا = عـن الهنـوف اللـي صعيـب طريقـه
مملوحتن وخدودها من الدمع غرقا = ولهـا بزيـن الأسـم اخـت شقيـقـه
وحـده فوايدهـا بيـن غـرب وشـرقـا = والثـانـيـه قـشــرا ولـحــد يـطـيـقـه

حزام الأمان

أبنْشــــــد اللــي كـلْ لغْـزٍ يهـــمّـه ........ اللي يحـــل اللــغـــز دايـــم تمـــامِ
ويش الغلام اللي لْصـــدرك تضـمّه ..... ولا مـــقصـــدك تقديــرٍ واحـتـرامِ
يفــزع لكم كان الخـطـر حــلْ بأمّـه ...... وفِعْل السبب مطلوب يا ابن الكرام

المسواك

                      انشدك عن طفل تحبه رجاجيل  ***  طفل نحيل الجسم بالجاه ممنوح                              
                 شالوه من حضن امّه الورع بالحيل *** وامه على فرقاه ما تبذل النوح                      
    فيه الرضا لله من جيل لا جيل *** يمشي مع الحيين لكن بلا روح               

النباطة ( النبيلة )

انشدك عن بنتٍ له اذنين وعضود وكفٍ وحيده ماسكتهـا اعضـوده
تقضي لزوم اللي من الوقت ملهود خصٍ ليامنه ضبـط لـه ابنـوده

الطير والبندق والسلق

انا بنشد هل المكشات عن ثلاث رجـال = متفرقيـن وهـم عملـهـم جميـعـي
كل الثلاثه حـرام ويطـردون الحـلال = والكل منهم لا نكر صاحبه ما يطيعـي
عشيتهم في محلي كـل واحـد لحـال = ضيوف جوني وسيع الفكر عنهم يضيعي

الشارة اللي تنحط للرماية أو الهدف

ياويش بنتً مالها سو وذنوب_-_-_والناس من شر البشر عذبوها
ميقافها ماياقفه لابس الثوب_-_-_ ترضي جميع رجالها لابلوها

 دله الشاي ودله القهوه

انشدك عن بنتين متوالفاتي_ _ _ قامن مقام انثى وذكر في عملهن
بنتين عند اللازمه حاضراتي_ _ _ به من يجالسهن وبه من طردهن

براية القلم الرصاص

انشدك عن عذراء عيشته راس رجال،،،تاكل وماكولها مانفعها
رجالها من أحمر الدم ماسال،،، ياعونة الله مايحس بوجعها

الباعوض

انشدك عن رجلً سرق غالي المال 0000 تحت ظلام الليل محداً يشوفه
وهـرب وغرب مامعه ربع مثقال 0000 ولا شال حمل ولا تحمل كلوفه
وعلى مغر الناس ياخذ تجوال 0000 وطعم الحرام يدخله وسط جوفه

f'بطارية السيارة

أنشدك عن هولة وساعٍ عيونها *** قوية القدرة صغير مقاسها
عرضها بطولها لاناظرْت زولها  *** ست عيونها واصبعين براسها

اليدين (اليمنى و اليسرى)و العيال هن الاصباع

ويش بنتين على روسهن عدة عيال = هن خوات وكل وحدة تشيل عيالها
وحدة يوصف بها الطيبين من الرجال = واختها ما هوب فال النشامى فالها

سيارة الإسعاف

ويش رجل كل ما قام طنب فالصياح = يقضي اللازم وهو مقفي ومقبل يصيح
مستعد بالمساء للمصايب والصباح = فاتح بطنه وفيه يحذف ميت وجريح

محالة السواني الي على مقام البير

يابنـت يـا للـي منـزلَـه بالطـويـلات *** تنزل خطر فـي ماضْيـات السنيـنِ
تمشي ولا تقطع بمشيَهْ مسافات *** وان ركبهـا الراكـب تـجـر الحنـيـنِ

الصيف

ياويــش رجل كان للنــاس جَــمّاع ....... وهو يتعب الطِّرقي وييبس شنونه
وتالي زمانه سَـلْمه المعتبر ضـاع ....... وقاموا إلى حـلْ: الوطـن يتركونه

المال وزكاته

أبا أنشد من عطاه الله ذكا ومْحِبٍّ للالغاز  *** عن اللي تولد من أبْوَهْ وتبعــد ما تجي يَمّـه
ما دامه حي أبوها ، تفيد الناس ما يعتاز *** والى منّه فنى تفنى . يا عـارف اللغز سمه

المراية

انشدك عن بنت تلمع كالصقيـل = عند نور الشمس لامـن صابهـا
مستحيل الكـذب يلحقهـا بدليـل = من يحب الزين يحسب حسابها

الكرت الأصفر والأحمر في المباراة

أنشدك عن سيفينٍ وَسْط الميادين *** - وقــت اللـقـا يــا كـثـر مــا يِشهَـرَنّـا
واللي شهرهـن ماشـي بالقوانيـن*** والْـوانـهـن مـــع الـبـشــر يـعـرفـنّـا
 

الخشم

أنشدك عن رجلٍ نزل بين ثنتين = له عندنا حِشْمه وأيضـا كرامـه
سِمـيّـه فـيـه الـرجـال مْسمّـيـن = أهْل الشجاعه والوفا والشهامه

 " اللغز " او الألغاز اللي نطرحها على الغير

انشدك عن راع رعى له رعية ******* ما يفرح الا يوم ياتي ذهابها
فزولها الفزيع مع كل نية ******* ولا يكره الا من لقيها وجابها

صنتــه

ياللي تقول انك اتعرف المقاصيد = وش مقصدي في كلمتي وفهموها
عشقت لي والعشق مابه مناقيـد = بنتٍ وابارمز لسمها وعرفوهـا
سميها يمشي على قافـر البيـد = وباشارته طلعت اعدود اوردوها

 لوحــــات المرور الارشــــادية

أنا بنشدك عن جملة بنـاتٍ مالهـن مثيـل***لهن حكمٍ قويٍ للبشر نمشـي علـى شانـه
بعضهن يجبرك غصبٍ ولونـك قـوي حيـل*** ومن لايفتهـم مضمونهـا مافـاد iiعصيانـه
توارثها البشر فالوقت جيـلٍ يعقبـه جيـل***اتساوي راعي الصحراء مع اللي جوف دكانه
من دور عليها ميل ماحصّـل عليهـا ميـل*** وهي ماتقـرب الكيـال والمكيـال iiميزانـه

الصندوق الأسود بالطيارة

ابنشدك عن ورع في بطن امه مسدوس,,,,,,,,, اسود سواد الليل من دون عمه
اليا ذبحت امه طلع مثل جاسوس,,,,,,,,,,,,,واليا طلع علم على ذابح امه

الشرطي

يمشي مع المخطى ويترك اهل الطيب,,,,,,,,واهل العقل لاجالهم يمدحونه

الظلال

وش العجيب اللي كثير طلوعه.......... ياقل مايطلع الى غابت الشمس
ظلوعه يمشي ونوب ماتبين............. بالمس لاتاكله نار ولايحس

الــــــــــــكــــــــــــورة

ابنشد العراف عن بنتٍ بدين = لاهيب لا تشرب ولا تاكل طعام
اشوفها بالعين تضرب كل حين = انا ادري ضربها حلال ولا حرام
و لو صفقوها من يسار ومن يمين = لادمعه تطلع ولا يطلع كلام

الدباسة

ابنشدك عن عذرى لها عدة عيال = وعيالها في بطنها من حديده
واذا ضربنا راسها تلد بالحال = ويطلع ولدها ويمسك الى يصيده

الزير سالم

ويش رجل جاب رجل مـن مقـره = والرجل دونه موت واضح ومعروف
وبه هوايـل والهوايـل بالمضـره = والضرر ينزاح من صفق السيـوف
ولاجيب مـن منبعـه غيـر مـره = جابـه العربيـد مـن دون خـوف

عيار الزيت

انشدك عن رجلٍ كنه السيف لا سل = تأخذبه اعلوم موكده مـن خبـاره
ما هوب هـراجٍ ولا بالخبـر زل = مغير يعطيـك الخبـر بالاشـاره

الـــــــــصــقر

بنشدك عن شيخٍ عـزومٍ وجبـار = شيخٍ يجيب العابره فـي بحرهـا
ضحكو عليه الناس من كل الاقطار = في مشكلة حطـوه ماقـد ذكرهـا

ملاحظة: لمعرفة الإجابة على كل لغز يرجى التأشير بسهم الماوس على صورة الصقر


الصفحة الرئيسية

الصفحة التالية

للإضافة