أنشدك عن عذراء تجيب عيال = وعيالها من كدهـم يشرونهـا
ماادري حلالٍ كسبها وإلا حرام = أزريت أميز لونها من لونها،،

اسألك عن بنتاًً ملحفة بالعباية = عباتها من جنسهابضع لفات
اذا كشفت لبوسها لنهاية = تذرف على خدك من الدمع عبرات

اسألك عن بنتاًً فوق سن الثمانين = يشوفها العاشق بغاية صباها
خواتها عند البشر بالملايين = ولو عمرها ستين محداًً خذاها
وقت الزفاف ترافق البنت بنتين = قدامها وحده ووحده وراها

انشدك عن جايد ومجناه من ني *** حلاح يجنى من حرام يشيله
لولاه ما خلق الخلايق ولا شي *** ضافي على كل الخلايق جميله

انشدك عن عشر خوات مابه مثلهن بالبنات
فيهن عروس بالجمال تسوى الوف مولفات

أخبرني ويش رجل حمل حمله بنات *** شالهن فوق ظهره لين جا وقت اللزوم
مابهن ضامر بطن كلهن ملقحات *** من رمت ورعانها فالرجل عنها يشوم

انشد ك عن ثنتين من فوق ثنتين = وثنتين في ثنتين متماسكات
ثنتين يسون الذهب والملايين = وثنتين ما يسون قيمة عباة

نشدك عن رجلا يتعب لغيره **** ياكل ولاهب من اكله مستفيد
يخدمـك والله اعلــم بتدبيره **** يمشي بأمــرك وعلى مـاتريد

أنشدك عن عذرا لها الناس خلان = اهل الصخى لولاه ويش يعملوني
لاشافها المشتاق لو كان عمسان = راح العمس من حاجرات الجفوني
غدا لها تاريخ في كل ديوان = وضحتها من شــــان ماتبلشوني

يا ويش عود ٍتَحَسْب حْسابْه الناس = الـبـدو والـلــي يسـكـنـون الـقـرايـا
إلـى حضـر تَريَّحـوا عقـب الاتعـاس = وابْعـد عـن الـفـلاّح راعــي الرعـايـا

  أنشدك عن بنتين ما بينهن فرق ******* قِدْم أمّهن وحده ، ووحده وراها
  لاغرّبت وحده تصير اختها شرق ******* ووجيهن ما يخـتلف محـــتواها

انشدك عن رجل مع الوقت سمّار **** إن حـــل في دارٍ مْـــريفه دمَــرْها
سميّه اللي ترغبه كل الاقــــــطار **** والاســـم واحــد، والمطـيّه عثرْها
بالعين ما شفناه، نســمع بالاخبار **** ونَقصه مثل زوده تساوى خطرْْْْْها

ياويش بنت بالعرب حصلهـا دور = تـنـسـب لـــدار كـلـكـم عـارفـيـنـه
مشهورة ياما عثـرت كـل ممـرور = تـفــزع بـشــي كـلـكــم مالـكـيـنـه
لهـا اخـو ينهـض مـع فجـة النـور = يـرعـى مغاتـيـر عـلـى حــد ليـنـه
ياما نطح من دونهن كل مسطـور = واخوها من الي يحتمون الضعينه

انشدك عن بنتاً الى خشت الساس = لـــو مايـبـيـن فعـلـهـا ماتـشـافـي
كم فرقت جيران من جملة النـاس = منزالها عن بعض الأنظـار خافـي

انشدك عن بنتاً عريباً نسبهـا.... بنت الرجال اهل الذكاء والسياسه
بنتاً كريمه ومكرمينن عربها.... ولا تلتفت لأهل الغباء والتعاســــه
بنتاً لها ميقاف ساعة ندبهــا.... ماياقفه ميقــــافها راع الفراســـــه
من رافقت تحميه لامن طلبها.... وشجاعته تفزع رجال الحماســــه

انشدك عن رجل يلقح بالغلام = بـس حملـه مايعديـه الحـدود
وإن حمل بثنين نجم ثم حـام = مـا تـرده لا بحـور ولا نـفـود

ياهـل الفـكـر تريـضـوا واسمعـونـي = لـــي قـصــةٍ يـانــاس مـحــدٍ رآهـــا
شفت لي عذراء مشيها على الهوني = تمـشـي وابـوهـا دايـمـاً فــي قـفـاهـا
العجب فيها مالها راس ولا سنونـي = والمشـي يالربـع هـو غـايـة امنـاهـا

بنشدك عن عذراء تضيق خاطر السالي = ولابه من يواطنها ولابه مـن يدانيهـا
لها جند يخدمونه تحت شمس وضلالي = ولالها وقت محدد مـن أيـام ولياليهـا

انشدك عن صياد يبي الصيـد والمنفعـة = ان صاد صاد اثنين وان اخطأ صاد اربعه

انشدك عن بنتاً تـنـيـسـبـت لرجـال ----- تـنـيـسـبـتـله لوهي قصيره يمينه
عافت جميع القوم شجعان وابطال ---- اللـي مخـــالبهم تصيد السمـيـنـه
ترا ألـبـنـيه شوفها ينعـش الحـال ---- والا أبـوها شـوفــتـكـله حزيـنــــه

انشدك عن بنت تحمل بنت *****وللبنت رجال يحملها
والرجال مصدره من بنت ***** والبنت من بنت مصدرها

أنشدك عن رجلٍ رفيع وقـاره = رجـلٍ بدونـه مـا تقلـط رْبوعـه
طيّب، وطيبه بس خارج دياره = والا بْـداره مــا تبـيـن نفـوعـه

يـا ويـش بـنـت دايـمٍ ترفـــع الراس ***  كلٍّ لها من النــاس راســه يوطــيه    
ترفع جميع الروس من خلقة الناس  *** ومن تــرفــعه ربــّـه يميته ويحييه

أنشدك عن شايبٍ عاري
شجاع والموت يدنيــبه
يموت لاناشه الـطلي
ويعيش في ضل وكنانـي

أنشدك عن رجل مع الناس محقور = زآده حـــرام ولايـــذوق الـشـويــه

ويش بنت في المره مثل ماهي في الرجال
عايشه وسـط البشـر مـن كبيـر ومـن صغيـر
صانعْهـا الرحمـن ، سبـحـان خــلاق الجـبـال
مـن طبايعهـا الكـرم ، والبخـل شــي يسـيـر

ويش رجل جاب رجل مـن مقـره = والرجل دونه موت واضح ومعروف
وبه هوايـل والهوايـل بالمضـره = والضرر ينزاح من صفق السيـوف
ولاجيب مـن منبعـه غيـر مـره = جابـه العربيـد مـن دون خـوف

شفته عجيبه من كبار العجيبات = وعجلٍ تجي بالحال للي طلبها
فيها حنان بالليال الصعيبـات = وفيها عذابٍ مر مكبر خطرها

انشدك عن عِدّة عْيالٍ مصاغير مكانهـم بْحضْـن أمّهـم ثابْتيـنـا
مْعَذّبيـن بشغلهـم دون تقصيـر مْرَبّطيـن بْروسهـم يـا الفطينـا

انشدك عن شخصٍ مؤمن و ما ثوق = ولا يبـوح السـر مهمـا تـروده
لازم تسد الخرق والسن مطبـوق = ان كان تبغي منه يا خـوي فـوده
وان كان ما تملك لهل خرق خاروق = تفشل ومهما كـان جهـدك يلـده
ايضا ولا ينفع لهل خرق خـازوق = الا بفيـده تدخلـه ثــم تـشـده